Azərbaycan Respublikası Baş Nazirinin müavinləri


Azərbaycan Respublikası Baş Nazirinin birinci müavini


Yaqub Abdulla oğlu Eyyubov

Doğulduğu tarix və yer: 24.10.1945, Bakı şəhəri

Təhsili: ali, texnika elmləri doktoru, professor, Beynəlxalq Mühəndis Akademiyasının akademiki, Azərbaycan Mühəndis Akademiyasının akademiki.

Bitirdiyi təhsil müəssisəsinin adı: Azərbaycan Politexnik İnstitutu, aspirantura

Əmək fəaliyyəti:

18.02.1964-02.11.1964, Leytenant Şmidt adına Maşınqayırma zavodu;

27.11.1964-04.12.1968, ordu sıralarında xidmət;

24.10.1970-09.10.1972, Azərbaycan Politexnik İnstitutunun inşaat fakültəsinin komsomol komitəsinin katibi, institutun komsomol komitəsi katibinin müavini;

01.09.1972-01.01.1973, Azərbaycan Politexnik İnstitutu, baş laborant;

03.12.1973-15.11.1975, Bakı şəhəri Oktyabr rayon PK, Ç.İldırım adına Azərbaycan Politexnik İnstitutunun partiya komitəsi katibinin müavini;

06.11.1975-06.06.1983, Azərbaycan Mühəndis-İnşaat İnstitutu, baş müəllim, dosent, dekan müavini, dekan vəzifəsini icra edən;

06.06.1983-29.02.1992, Azərbaycan Mühəndis-İnşaat İnstitutu, elmi işlər üzrə prorektor;

29.02.1992-14.03.1997, Azərbaycan Mühəndis İnşaat İnstitutu, “Qruntların mexanikası, bünövrələr və özüllər, yeraltı qurğular” kafedrasının müdiri;

15.03.1997-10.07.1999, Azərbaycan Respublikası Dövlət Sənayedə İşlərin Təhlükəsiz Görülməsinə Nəzarət və Dağ-Mədən Nəzarəti Komitəsi, sədri;

10.07.1999-13.02.2003, Azərbaycan Respublikası Baş nazirinin müavini;

13.02.2003 - h/h, Azərbaycan Respublikası Baş nazirinin birinci müavini.

1993-cü ildən Yeni Azərbaycan Partiyasının üzvü, YAP-ın Siyasi Şurasının üzvü, YAP Nazirlər Kabineti Aparatı Ərazi təşkilatının sədridir

Təltifləri: “Şərəf” ordeni (2015), Rusiyanın “Dostluq” ordeni (2015), Belarusun “Şərəf” ordeni (2015), “1941-1945-ci illər Böyük Vətən müharibəsində qələbənin 20 illiyi” yubiley medalı (1965), V.İ. Leninin anadan olmasının 100 illiyinə görə medalı (1971).

Azərbaycan Respublikası Baş Nazirinin müavini

Əli Cavad oğlu Əhmədov

Doğulduğu tarix və yer: 27.01.1953, Ermənistan Respublikası Basarkeçər rayonunun Dərə kəndi

Təhsili: ali, fəlsəfə elmləri doktoru, professor

Bitirdiyi təhsil müəssisəsinin adı: Moskva Dövlət Tarix İnstitutu. Azərbaycan Dövlət Universitetinin aspiranturası

Əmək fəaliyyəti:

12.08.1975-11.11.1976, Azərbaycan SSR Nazirlər Soveti yanında Baş Arxiv İdarəsi, baş elmi işçi;

11.11.1976-01.11.1977; 01.06.1979-26.11.1979, Azərbaycan Elmlər Akademiyası, arxiv müdiri;

27.11.1979-08.05.1982, Azərbaycan Dövlət Universiteti, laborant;

08.05.1982-08.12.1997, Azərbaycan Dövlət Universiteti, müəllim, böyük müəllim, Bakı Dövlət Universiteti, dosent;

07.12.1997-08.09.1999, Azərbaycan Respublikası Prezidentinin İcra Aparatının ictimai-siyasi şöbəsi, şöbə müdirinin müavini;

09.09.1999-28.06.2000, Bakı şəhəri Xətai Rayon İcra Hakimiyyətinin başçısı;

05.11.2000-02.12.2005, ikinci çağırış;

06.11.2005-29.11.2010, üçüncü çağırış;

29.11.2010-12.11.2013, dördüncü çağırış Azərbaycan Respublikasının Milli Məclisinin deputatı seçilmişdir.

1999-cu ildən Yeni Azərbaycan Partiyasının icra katibi, 2005-ci ildən Partiyanın sədrinin müavini-icra katibidir.

22.10.2013 - h/h, Azərbaycan Respublikası Baş nazirinin müavini

Təltifləri: “Şöhrət” ordeni (2013, 2009-cu ildə Polşa Respublikası Prezidentinin Sərəncamı ilə iki ölkənin münasibətlərinin inkişafına göstərdiyi xidmətlərə görə "Kavaler" ordeni ilə təltif olunmuşdur.

 

Azərbaycan Respublikası Baş Nazirinin müavini

Şahin Abdulla oğlu Mustafayev

 

 1965-ci ildə anadan olub.

1989-cu ildə M.Voznesenski adına Maliyyə-İqtisad İnstitutunun Bakı filialını bitirib.

1990-1991-ci illərdə Bakı Baş Tikinti İdarəsində baş mühasib işləyib.

1991-1992-ci illərdə “Spektr” kiçik müəssisəsində baş mühasib vəzifəsində çalışıb.

1992-1999-cu illərdə Nəsimi rayonu üzrə Dövlət Vergi Müfəttişliyində dövlət vergi müfəttişi, böyük dövlət vergi müfəttişi, baş dövlət vergi müfəttişi və şöbə rəisi olub.

1999-2000-ci illərdə Baş Dövlət Vergi Müfəttişliyində İqtisadi Təhlil, Uçot, Hesabat və Vergi Daxilolmalarının Proqnozlaşdırma İdarəsində şöbə rəisi vəzifəsində çalışıb.

2000-2003-cü illərdə Vergilər Nazirliyinin İqtisadi Təhlil və Uçotun Təşkili İdarəsinin rəis müavini, rəisi olub.

2003-2005-ci illərdə Dövlət Neft Şirkətində mərkəzi mühasibatlığın baş mühasibi, İqtisadiyyat və Uçot İdarəsinin rəisi işləyib.

2005-2006-cı illərdə Dövlət Neft Şirkətinin iqtisadi məsələlər üzrə vitse-prezidenti olub.

2006-cı ilin sentyabrında Vergilər nazirinin birinci müavini təyin edilib.

2008-ci ilin oktyabrın 31-dən 2013-cü ilin oktyabrın 22-dək iqtisadi inkişaf naziri, 2013-cü ilin oktyabrın 22-dən 2016-cı ilin yanvarın 15-dək İqtisadiyyat və Sənaye naziri olub.

2016-cı ilin yanvarın 15-dən 2019-cu il oktyabrın 22-dək İqtisadiyyat naziri olub.

22.10.2019 - h/h, Azərbaycan Respublikası Baş Nazirinin müavini

Ailəlidir, 3 övladı var.