Suriya Azərbaycanla ticarət-iqtisadi əməkdaşlığın genişləndirilməsində maraqlıdır

Suriya Azərbaycanla ticarət-iqtisadi əməkdaşlığın genişləndirilməsində maraqlıdır. Bu sözləri Suriyanın xarici işlər naziri Valid əl-Muəllem iyunun 3-də Azərbaycanın Baş naziri Artur Rasi-zadə ilə görüşündə bildirmişdir.


Suriya xarici siyasət idarəsinin başçısı səfərinin məqsədini açıqlayaraq bildirmişdir ki, Suriya Prezidentinin Azərbaycana səfərinin hazırlanması barədə danışıqlar aparılmışdır. Suriyanın xarici işlər naziri belə bir inam ifadə etmişdir ki, onun bu səfəri iki ölkə arasında bütün sahələrdə ikitərəfli qarşılıqlı faydalı əməkdaşlığın inkişafı üçün zəmin yaradacaqdır.


Azərbaycanın Baş naziri Artur Rasi-zadə iki ölkə arasında iqtisadi əlaqələrin aşağı səviyyədə olduğunu nəzərə çatdıraraq bildirmişdir ki, bu məqsədlə Azərbaycan və Suriyanın müxtəlif idarələri arasında əlaqələr yaradılması vacibdir.


AzərTAc.