AZƏRBAYCAN  RESPUBLİKASININ

NAZİRLƏR  KABİNETİ

QƏRAR

№ 193

Bakı şəhəri, 20 avqust 2008-ci il


"Əmək şəraiti ağır və zərərli olan işlərdə və iqlim şəraitinə görə işləmək üçün əlverişli olmayan iş yerlərində çalışan işçilərin əmək haqqının yüksək məbləğdə ödənilməsini təmin edən artımların (əmsalların) məbləğinin minimum miqdarının müəyyən edilməsi haqqında" Azərbaycan Respublikası Nazirlər Kabinetinin 2002-ci il 22 avqust tarixli 137 nömrəli qərarına əlavələr edilməsi barədə


Azərbaycan Respublikası Əmək və Əhalinin Sosial Müdafiəsi Nazirliyinin və Dövlət Torpaq və Xəritəçəkmə Komitəsinin razılaşdırılmış təklifini nəzərə alaraq Azərbaycan Respublikasının Nazirlər Kabineti QƏRARA ALIR:


1.  "Əmək şəraiti ağır və zərərli olan işlərdə və iqlim şəraitinə görə işləmək üçün əlverişli olmayan iş yerlərində çalışan işçilərin əmək haqqının yüksək məbləğdə ödənilməsini təmin edən artımların (əmsalların) məbləğinin minimum miqdarının müəyyən edilməsi haqqında" Azərbaycan Respublikası Nazirlər Kabinetinin 2002-ci il 22 avqust tarixli 137 nömrəli qərarına (Azərbaycan Respublikasının Qanunvericilik Toplusu, 2002-ci il, № 8, maddə 548; 2003-cü il, № 4, maddə 225, № 7, maddə 392, № 10, maddə 616; 2004-cü il, № 5, maddə 379; 2005-ci il, № 9, maddə 853; 2007-ci il, № 2, maddə 291; 2008-ci il, № 2, maddələr 104, 112) 2 nömrəli əlavə - "Azərbaycan Respublikasında dəniz səviyyəsindən 1200 metrdən 1500 metrədək yüksəklikdə yerləşən yaşayış məntəqələrinin siyahısı"nda "Yaşayış məntəqələrinin adları" qrafasının  "Lerik rayonu" hissəsinə "Siyov kəndinin yuxarı hissəsi" sözləri və "Quba rayonu" hissəsinə "Mucu kəndi" sözləri əlavə edilsin.


2. Bu qərar imzalandığı gündən qüvvəyə minir.


Azərbaycan Respublikasının Baş naziri A. Rasi-zadə